Оқи отырыңыз
Бүгін Талдықорғандағы «Дәулет» сауда орталығында өрт шықты. Бұл туралы Алматы облыстық төтенше жағдайлар департаментінің баспасөз қызметі хабарлады.
Сағат 14:31-де облыстық департаментке өрт шыққаны туралы хабар келіп түсті. Тілсіз жау 39 өрт сөндіруші, 11 арнайы техника жұмылдырылғанның арқасында ауыздықталды. Өртті сөндіру жұмысы сағат 14:54-те аяқталды. Жалпы 60 шаршы метр аумақ өртенді. Өрт салдарынан 1981 жылғы 1 тұрғын жарақат алып, Алматы облыстық ауруханасына жеткізілді. Жалын нан және бәліш пісіретін пластикалық дүңгіршектен шыққан.
Алматы облыстық денсаулық сақтау басқармасының мәліметінше, ауруханаға түскен тұрғынның денсаулығы тұрақты бақылауда. Бетінінің 3 пайызын, білегінің 1,5 пайызын күйік шалған. Қазіргі таңда өрттің неден шыққанын мамандар анықтап жатыр.
Айдар ҚАЛИЕВ
Алматы облысы
