Алматы облысында коронавирус инфекциясын жұқтырған 23 адам тіркелді. Бұл туралы Алматы облысы әкімдігі мәлімдеді.
Атап айтқанда, Талдықорған қаласында вирус жұқтырғандардың саны - 10, Қапшағай қаласында - 8, Қарасай, Панфилов, Алакөл аудандарының əрқайсында 1 жағдайдан және Текелі қаласында 2 жағдай тіркелді. Сөйтіп, Талдықорған қаласында қауіпті індет барлығы 75 адамнан табылып отыр.
Барлық 23 науқас қадағалау нәтижесінде анықталды, 14 науқас бұрын коронавирустық инфекциямен ауырған адаммен байланыста болған. 9-ының науқасы профилактикалық тексеру барысында анықталды.
Барлық науқастар бұрын оқшауланып, қазіргі уақытта жұқпалы аурулар бөліміне ауыстырылды. Эпидемиологиялық тексерулер жалғасуда.
31 мамыр, сағат 9:00-дегі жағдай бойынша Алматы облысында инфекция жұқтырған 349 адам тіркелген.
"ЖЕТІСУ-АҚПАРАТ"