Алматы облысының қоғамдық-саяси, әлеуметтік-экономикалық газеті

АЛМАТЫ ОБЛЫСЫНЫҢ МӘСЛИХАТ ХАТШЫСЫ СЕНАТ ДЕПУТАТЫ БОЛЫП САЙЛАНДЫ

Уақыты: 12.08.2020
Оқылды: 181

Алматы облысында Сенат депутатын сайлауда Сұлтан Дүйсембинов 92 пайыз дауыс жинады. Ол Алматы облыстық мәслихат хатшысы қызметін атқарады.

Алматы облысында Сенат сайлауына облыстық және қалалық мәслихаттардан 287 депутат қатысып, дауыс берді. Бұл - 17 аудан 3 қала бойынша халық қалауылар санының 92 пайызы. Дауыс беру барлық санитарлық талаптарға сай, ара қашықтықты сақтау, залалсыздандыру жұмыстарын жүргізе отырып, жоғары деңгейде ұйымдастырылды.

Бұл өңірден жалпы 9 кандидат тіркеліп, 7 үміткер әртүрлі себеппен додадан шығып қалды. Сайлауға екі үміткер қатысты. Олардың бірі облыстық мәслихаттың хатшысы Сұлтан Дүйсембинов болса, екіншісі - кандидат аймақтық кәсіподақтар бірлестігінің төрағасы Әсет Қыдырманов. Сайлаушылардың 92 пайыз дауысымен Сұлтан Дүйсембинов жеңіске жетті.

"ЖЕТІСУ-АҚПАРАТ"