Көксу ауданына қарасты Қызылтоған ауылында су жаңа мектептің құрылыс жұмыстары басталды. Алғабас ауылдық округіне қарайтын шағын орталығы бар 120 орынды орта мектеп құрылысына облыстық бюджеттен 717 миллион 654 мың теңге қаржы бөлініп отыр. Ал жаңа нысанның шағын орталығы 25 бүлдіршінге лайықталған.
Ауыл әкімі Дәурен МОЛДАҒАЛИДІҢ айтуынша, «Өңірлерді дамыту-2020» бағдарламасы аясында таяу уақытта құны 18 миллион болатын стадион құрылысы басталмақ. Ауыл әкімінің сөзіне сүйенсек, алдағы уақытта халықтың әл-ауқатын арттыратын осындай әлеуеметтік маңызы бар жобалар жалғасын таппақ.
"ЖЕТІСУ-АҚПАРАТ"