Алматы облысының қоғамдық-саяси, әлеуметтік-экономикалық газеті

АЛМАТЫ ОБЛЫСЫНДА БЕЙНЕКАМЕРАЛАР АРҚЫЛЫ 141 ҚЫЛМЫСТЫҢ БЕТІ АШЫЛДЫ

Уақыты: 07.09.2020
Оқылды: 1259
Бөлім: ҚҰҚЫҚ-ЗАҢ

Алматы облысында бейнекамералар арқылы 141 қылмыс ашылды. Бұл туралы Алматы облысының полиция департаменті хабарлады.

Алматы облысындағы жедел басқару орталығы камераларының арқасында жыл басынан бері 141 қылмыс ашылып, 11 мыңнан астам әкімшілік құқықбұзушылық анықталды.

- Бүгінде облыс бойынша барлығы 1200-ден астам бейнебақылау камерасы орнатылған. Оның 871-і облыс орталығының аумағында орналасқан. Жаңа камералардың көмегімен біз жыл басынан бері 141 қылмысты аштық. Бұл көрсеткіштің өткен жылмен салыстырғанда әлдеқайда өскендігін көрсетеді. Егер әкімшілік бұзушылықтар туралы айтатын болсақ, жыл басынан бері біз 11 152 құқық бұзушылықты анықтадық. Тәжірибелік қызметте бейнебақылау жүйесін қолдану көшелер мен қоғамдық орындардағы құқықтық тәртіп пен жол қозғалысын сәтті бақылауға және жедел-іздестіру шараларын жүргізуге мүмкіндік береді, - дейді Талдықорған қаласы жедел басқару орталығының бастығы, полиция полковнигі Бауыржан Шайзанов. Сонымен қатар, биыл жедел басқару орталығы тағы 250 камераны орнатуды жоспарлап отыр. Олар Текелі қаласы, Панфилов және Қарасай аудандарында орнатылады.

- Бұл камералардың тиімділігі қашықтан басқару құралындағы қызметкерлердің кешенді және жүйелі жұмысынан көрінеді, олар не болып жатқанына бірден мән беріп, жедел ақпаратты патрульдік қызметтерге жеткізеді, - деп толықтырды полиция полковнигі Бауыржан Шайзанов.

"ЖЕТІСУ-АҚПАРАТ"