ЖАҢҒЫРУДЫҢ ЖАҢА ЖОЛЫ: ӨМІР СҮРУ ҮШІН ӨЗГЕРЕ БІЛУ КЕРЕК

Уақыты: 17.04.2020
Оқылды: 1405
Бөлім: ТҮПСАНА

Елбасы Н.Назарбаев: «Болашаққа бағдар: рухани жаңғыру» атты мақаласында: «Мен көздеген жұмыс­тары­мыздың бәрі дер уақытында және барынша тиімді жүзеге асарына сенімдімін. Мақсатқа жету үшін біздің санамыз ісімізден озып жүруі, яғни, одан бұрын жаңғырып оты­руы тиіс. Бұл саяси және экономикалық жаң­ғыру­ларды толықтырып қана қоймай, олардың өзегіне айналады», – деген еді.

Бұл – барлық заманауи тәуекелдер мен жаһандық жанайқайды қоса алғандағы қазақстандық рухани құндылықтың жандануына бағытталған Тұңғыш Президентіміздің бағдарламалық мақаласы. Мақала ұлттық бірегейлікті сақтау, азаматтар санасыны ашықтығы мен білімге баулуын дәріптеу, прагматизм, бәсекеге қабілеттілікті арттыру, қоғамдық сананы жаңғыртудың маңыздылығын алға тартады. Бұл қасиеттер заманауи қазақстандықтардың негізгі бағыты болуы қажет.

Осыған байланысты әрбір қа­зақ­стан­дықтың санасын жаңғыртудың бір­неше бағы­тын атап өтсек дейміз. Олар: 1.Бәсекелік қабілет; 2.Прагматизм; 3.Ұлттық бірегейлікті сақтау; 4.Білімнің салтанат құруы; 5.Қазақстанның революциялық емес, эволюциялық дамуы; 6.Сананың ашықтығы.

«Рухани жаңғыру» жобасы 3 кезеңнен тұрады. Олар:

Бірінші кезең – 2017-2020 жылдар аралығын қамтиды.

Бұл кезеңнің міндеттері:

– Ортамерзімді және ұзақмерзімді кезеңге арналған бағдарламаның мақсаттары мен жұмыс көрсеткіштерін әзірлеу мен бекітуді қоса алғанда, мақсатты белгілеу үдерістері, мақсаттарға қол жеткізу деңгейін өлшеу үшін критериалдық аппараттар мен құралдарды құру (индикаторлар, зерттеу және өлшеу әдістері және басқалар);

– Бағдарламаны жүзеге асыруда педагогикалық, оқушылар, ата-ана қоғамдастығын, халықты, бизнес өкілдерін және мемлекеттік мекемелерді, соның ішінде, ҮЕҰ мен жастар ұйымдарын тарту.

Екінші кезең – 2021-2025 жылдарды қамтиды.

Кезеңнің мақсаты – негізгі жобаларды іске асыруды аяқтау мен ортамерзімді мақсатты индикаторларға, көрсеткіштерге қол жеткізу, сондай-ақ, бірінші кезеңде қалыптастырылған критерийлер бойынша қоғамдық сананың өзгеру динамикасын бағалау.

Үшінші кезең  2026-2030 жылдар аралығында.

Бұл кезеңнің мақсаты – ұзақмерзімді мақсатты индикаторларға қол жеткізу және Бағдарламаның қол жеткізілген нәтижелерін бағалау болып табылады.

Тұңғыш Президентіміз бұл орайда: "Мемлекет пен ұлт құрыштан құйылып, қатып қалған дүние емес, үнемі дамып отыратын тірі ағза іспетті. Ол өмір сүру үшін заман ағымына саналы түрде бейімделуге қабілетті болуы керек. Жаңа жаһандық үрдістер ешкімнен сұрамай, есік қақпастан бірден төрге озды. Сондықтан, заманға сәйкес жаңғыру міндеті барлық мемлекеттердің алдында тұр. Сынаптай сырғыған уақыт ешкімді күтіп тұрмайды, жаңғыру да тарихтың өзі сияқты жал­ғаса беретін процесс. Екі дәуір түйіскен өліара шақта Қазақстанға түбегейлі жаңғыру және жаңа идеялар арқылы болашағын баянды ете түсудің теңдессіз тарихи мүмкіндігі беріліп отыр.

Мен барша қазақстандықтар, әсіресе, жас ұрпақ жаңғыру жөніндегі осынау ұсыныстардың маңы­зын терең түсінеді деп сенемін. Жаңа жағдайда жаңғыруға деген ішкі ұмтылыс – біздің дамуымыздың ең басты қағидасы. Өмір сүру үшін өзгере білу керек. Оған көнбегендер тарих­тың шаңына көміліп қала береді", – деп жас ұрпаққа жаңа жол көрсетіп берді.

Мақала жетекшісі: Ф.А.ҚОЗЫБАҚОВА,

әл-Фараби атындағы ҚазҰУ тарих, археология және этнология факультеті Қазақстан тарихы кафедрасының профессоры, ғылым докторы

А.С.ПИРЖАНОВА,

әл-Фараби атындағы ҚазҰУ филология және әлем тілдері факультетінің студенті

Сурет ғаламтордан алынды