ЖЕТІСУДАҒЫ ЖУРНАЛИСТЕР ҮЙІНЕ БЕЙСЕН ҚҰРАНБЕКТІҢ ЕСІМІ БЕРІЛЕДІ

Уақыты: 20.10.2022
Оқылды: 1857
Бөлім: ЖАНСАРАЙ

Қазақстан Президенті Қасым-Жомарт Тоқаев Жетісу жерінен шыққан азаматтар туралы пікір білдірді.

«Жетісудан шыққан азаматтар тәуелсіздік кезеңінде елімізді дамытуға зор үлес қосты. Соның ішінде белгілі журналист, қоғам қайраткері Бейсен Құранбекті баршаңыз жақсы білесіздер. Оның әзірлеген хабарлары көрерменнің ыстық ықыласына бөленді. Бейсен Құранбек Жетісу телеарнасында біраз жыл табысты қызмет атқарды. Оның азаматтығы, ұлтжандылығы және отаншылдығы, еңбекқорлығы қалың жұртқа танымал. Өкінішке қарай, дарынды азамат ортамыздан ерте кетті. Мен Талдықорғандағы Журналистер үйіне Бейсен Құранбектің есімін беру туралы ұсыныс айтылып жүргенін білемін. Бұл – Жетісу жұртшылығының, сондай-ақ барша журналистер қауымының, қалың көрерменнің және жалпы халықтың қалауы. Сондықтан, бастаманы қолдау қажет деп санаймын», - деді Жетісу халқымен кездесуде Қасым-Жомарт Тоқаев.

"ЖЕТІСУ-АҚПАРАТ"