Қазақ боксшылары халықаралық турнирде 8 алтын медаль жеңіп алды

Сербияда бокстан халықаралық «Belgrade Winner» турнирі аяқталды. Қазақстанның ерлер құрамасы бұл жарыстан 8 алтын, 4 күміс және 1 қола медаль жеңіп алды.

Қазақстан бокс федерациясының мәліметінше, 62-ші рет ұйымдастырылған халықаралық турнир 4-9 ақпан аралығында өтті. Қазақстан құрамасынан 15 боксшы қатысып, олардың тек екеуі ғана жартылай финалға жетпей, жарысты жеңіліспен аяқтады.

I орын

• Нұрғиса Тұрабеков (48 келі)
• Рамазан Нұрлыбаев (51 келі)
• Нұрсұлтан Алтынбек (57 келі)
• Жансері Көшербаев (60 келі)
• Нұрбек Мұрсал (71 келі)
• Санжарәлі Бегалиев (75 келі)
• Дәурен Мамыр (86 келі)
• Нұрасыл Асылхан (+92 келі)

II орын

• Бексұлтан Боранбек (54 келі)
• Илья Калинин (67 келі)
• Бақберген Әлиасқаров (75 келі)
• Ильяр Аширов (80 келі)

III орын

• Бекзат Мақжан (63.5 келі)

71 келіде өнер көрсеткен Нұрбек Мұрсал турнирдің ең үздік боксшысы деген атақты қоса жеңіп алды.

Фото: Қазақстан бокс федерациясы

---