Алматыда қазақстандық шахматшылар үшін 26-шы жасөспірімдер арасындағы Азия чемпионаты үлкен жеңіспен аяқталды. Олар Қытай, Үндістан, Иран, Ресей (ФИДЕ туының астында) және басқа да шахмат саласындағы жетекші елдердің ең үздік жасөспірімдерімен бәсекелес бола отырып, 25 медаль жеңіп алды, оның 12-сі алтын.
2024 жылғы 10-20 маусым аралығында Балуан Шолақ атындағы Алматы спорт сарайының бас аренасында өткен чемпионатқа 7-18 жас аралығындағы 33 елден 650-ге жуық спортшы қатысты. Бұл – Қазақстан қабылдайтын халықаралық деңгейдегі шахмат іс-шарасына қатысушылар саны бойынша рекордтық көрсеткіш. Жас шахматшылар уақыттың барлық бақылауында – классикада, рапидте және блицте бақ сынасты.
Ауқымды чемпионатты ҚР Туризм және спорт министрлігі, Азия шахмат федерациясы, Алматы қаласы әкімдігі және Қазақстан теннис федерациясының қолдауымен Қазақстан шахмат федерациясы/KazChess ұйымдастырды. Чемпионаттың бас серіктесі – Freedom Holding Corp. компаниясы.
«Біздің еліміз үшін турнир үлкен имидждік мәнге ие және әлемдік шахмат қауымдастығы тарапынан сенімнің индикаторы болып табылады.Ал біз үшін Қазақстандық шахмат федерациясы кәсіпқойлық емтиханына айналды. Біздің спортшылар жеңіп алған жүлделер санына және 33 елден қатысушылардың оң пікірлеріне сүйене отырып, біз бұл емтиханды өте жақсы тапсырдық», – деп атап өтті жабылу салтанатында жеңімпаздарды жеке құттықтаған Қазақстан Шахмат федерациясының президенті Тимур Турлов.
Қазіргі қатысушылар Азияның әр түкпірінен – Ираннан Жаңа Зеландияға дейінгі елдерден жиналды. Уақыттың 3 бақылауында — 12 алтын, 8 күміс және 5 қола медаль жеңіп алған қазақстандықтардан басқа, чемпион атанғандар қатарында Үндістан (5), Иран (3), Вьетнам (2) Қытай (1) және Қырғызстан (1) бар. Чемпиондық дубль (классика мен рапидте) үшеуі сәтті болды – Үндістаннан Нараяни Умеш Маратхе (G08), Анна Шухман (G18) және қазақстандық Алдияр Ансат (U18).
Азия чемпионатының жабылу салтанатында шахматтан 20 жасқа дейінгі жаңа әлем чемпионы Қазыбек Нөгербекке құрмет көрсетілді. KazСhess президенті Тимур Турлов чемпионға электокар кілтін табыстап, қазақстандық шахматтың даму тарихындағы жаңа бетті ашқан үлкен жеңісімен құттықтады.
26-шы жасөспірімдер чемпионаты экологиялық таза және тұрақты даму ұранымен өтті. Турнирде қолданылатын барлық пластик қайта өңделді. Оған қатысушылардың өздері арнайы велошредерге мініп, өз үлесін қосты. Жеңімпаз кубоктар да қайта өңделген пластиктен жасалғаны назар аудартады.
Фото: Қазақстан шахмат федерациясы
