Ресей құрамасы сапындағы қазақ боксшы Салтанат Меденова Сербияның Нише қаласында өтіп жатқан әлем чемпионатын жеңіспен бастады.
Бұл туралы 7-su.kz желілік басылымы Vesti.kz сайтына сілтеме жасап хабарлайды.
81 келі салмақтағы 1/8 финалда Меденова полинезиялық Вероити Долли Ненамен кездесті. Бұл жекпе-жек бір жарым минут қана өтті, Меденова қарсыласын техникалық нокаутпен жеңді.
Осылай, Салтанат әлем біріншілігінің ширек финалына жолдама алып, келесі кезеңде румыниялық Мария Георгита Чимперумен жұдырықтасады.
Фото: youtube.com
