Бокстан Будвада (Черногория) жастар арасында өтіп жатқан әлем чемпионатының жартылай финалына Қазақстан атынан 17, соның ішінде ерлер арасында сегіз, қыздар арасында тоғыз боксшы қатысты.
Жартылай финалдық жекпе-жектер қорытындысы бойынша финалға тек жеті былғары қолғап шебері шықты.
Ерлер арасында Бексұлтан Боранбек (51 кг), Төрехан Сабырхан (67 кг), Өнер Сейілхан (71 кг) мен Санжарәли Бегалиев (75 кг) алтынға таласса, қыздар арасында Елянұр Тұрғанова (50 кг), Ұлдана Таубай (66 кг) мен Аружан Зейноллаева (81 кг) бас жүлде үшін бақ сынайды.
Осылайша, біріншілікте ерлерден Диас Берікбай (48 кг), Жансері Көшербаев (57 кг), Расул Асанханов (92 кг) пен Аслан Елдібайұлы (92+ кг) қола жүлдегер атанса, қыздар арасында Анель Әбірасылова (48 кг), Бағжан Отынбай (52 кг), Толғанай Қасымхан (60 кг), Аружан Жаңабаева (63 кг), Шұғыла Нәлібай (75 кг) мен Панар Сейітхақызы (81+ кг) үшінші орын алды.
Жекпе-жек қорытындыларына тоқталсақ.
Ерлер:
48 кг. Диас Берікбай (Қазақстан) — Сайфиддин Сабиров (Өзбекстан) — төрешілердің ортақ шешімімен жеңіс Сабировке берілді
51 кг. Бексұлтан Боранбек (Қазақстан) — Мехди Каземи (Иран) — төрешілердің ортақ шешімімен жеңіс Боранбекке берілді
57 кг. Жансері Көшербаев (Қазақстан) — Самандар Олимов (Өзбекстан) — төрешілердің ортақ шешімімен жеңіс Олимовке берілді
67 кг. Төрехан Сабырхан (Қазақстан) — Хаошен Чжан (Қытай) — төрешілердің ортақ шешімімен жеңіс Сабырханға берілді
71 кг. Өнер Сейілхан (Қазақстан) — Мухаммадазизбек Исмоилов (Өзбекстан) — төрешілердің басым бөлігінің дауысымен жеңіс Сейілханға берілді
75 кг. Санжарәли Бегалиев (Қазақстан) — Фабиан Урбански (Польша) — төрешілердің басым бөлігінің дауысымен жеңіс Бегалиевке берілді
92 кг. Расул Асанханов (Қазақстан) — Халимджон Мамасолиев (Өзбекстан) — төрешілердің ортақ шешімімен жеңіс Мамасолиевке берілді
92+ кг. Аслан Елдібайұлы (Қазақстан) — Шахзод Полвонов (Өзбекстан) — төрешілердің басым бөлігінің дауысымен жеңіс Полвоновқа берілді.
Қыздар:
48 кг. Анель Әбдірасылова (Қазақстан) — Валерия Писарро (Мексика) — Писарро екінші раундта нокаутпен жеңді
50 кг. Елянұр Тұрғанова (Қазақстан) — Мария Георгопулу (Грекия) — төрешілердің ортақ шешімімен жеңіс Тұрғановаға берілді
52 кг. Бағжан Отынбай (Қазақстан) — Яньфень Чень (Қытай) — төрешілердің басым бөлігінің дауысымен жеңіс Ченьге берілді
60 кг. Толғанай Қасымхан (Қазақстан) — Ютин У (Қытай) — төрешілердің ортақ шешімімен жеңіс Уға берілді
63 кг. Аружан Жаңабаева (Қазақстан) — Сиофра Лоулес (Ирландия) — төрешілердің ортақ шешімімен жеңіс Лоулеске берілді
66 кг. Ұлдана Таубай (Қазақстан) — Амалия Тугуй (Румыния) — Таубай екінші раундта нокаутпен жеңді
75 кг. Шұғыла Нәлібай (Қазақстан) — И Цзы Бао (Қытай) — төрешілердің ортақ шешімімен жеңіс Цзы Баоға берілді
81 кг. Аружан Зейноллаева (Қазақстан) — Юлия Ханна Олесь (Польша) — төрешілердің басым бөлігінің дауысымен жеңіс Зейноллаеваға берілді
81+ кг. Панар Сейітханқызы (Қазақстан) — Хавванур Кетхюда (Түркия) — Кетхюда бірінші раундта нокаутпен ұтты
Дереккөз: 1bol.kz
Фото: ҚБФ
