Бокстан Қазақстанның жастар құрамасы Румынияның Браиле қаласында өткен Dracula Open-2025 халықаралық турнирінде 21 медаль жеңіп алып, жалпы есепте көш бастады.
Бұл туралы 7-su.kz желілік басылымы kaz.inform.kz сайтына сілтеме жасап хабарлайды.
Нақтырақ айтсақ, аталған турнирдің финалына 15 қазақ боксшылары шығып, оның төртеуі чемпиондық атаққа қол жеткізді. Ал оның 11-і күміс жүлдені иелік етсе, тағы 6-ауы қола жүлдеге қол жеткізді.
Алтын жүлдені Арман Мірсәбит (46 кг), Дулат Азиз (57 кг), Төреғали Сейдуллаев (70 кг) және Әділ Меделхан (80 кг) жеңіп алды.
Күміс медальға Алмас Жүнісов (46 кг), Асылан Жеңісбаев (48 кг), Едіге Нұрғожа (50 кг), Ұлас Әлімжан (52 кг), Мадияр Әбдікаримов (54 кг), Амар Рамазан (63 кг), Темірлан Ералиев (66 кг), Абылай Талғат (70 кг), Мансұр Амантай (75 кг), Нұрасыл Айтекеев (80 кг) және Еркетаң Жарқынбек (80+ кг) қол жеткізді.
Ал үздік үштікті Заманхан Амангелді (50 кг), Саят Қаратаев (60 кг), Дарын Тасмұханбетов (63 кг), Таңнұр Сейсенбай (75 кг), Бақдәулет Тәжі (80 кг) және Темірлан Найзабасов (80+ кг) түйіндеді.
Осылайша отандастарымыз жалпыкомандалық есепте бірінші орынды жеңіп алды.
Сонымен қатар Өзбекстан мен Румыния үш алтыннан, Украина екі алтын және Грекия бір алтын медаль еншіледі.
Аталған турнир 15-24 ақпан аралығында Румынияның Брайла қаласында өтті. Оған 2009-2010 жылы туған жасөспірімдер қатысты.
Фото: Insports.kz
