Бұл туралы ҚР Туризм және спорт министрлігі мәлімдеді.
Министрліктің дерегіне сәйкес, елімізде ең көп адамды қамтыған спорт түрі — футбол. Қазіргі таңда 1 113 299 адам аталған спортпен айналысады. Олардың жартысынан көбі ауылдық жерлерде тұрады. Бұл футболдың Қазақстанда ең қолжетімді әрі кең таралған спорт түрі екенін айғақтайды.
Көш басындағы ондыққа кірген спорт түрлері мен олармен шұғылданушылар саны төмендегідей:
-
Футбол – 1 113 299 адам (ауылдық жерде – 562 833)
-
Классикалық волейбол – 767 580 (ауылдық жерде – 421 035)
-
Баскетбол – 541 819 (ауылдық жерде – 238 853)
-
Футзал – 368 349 (ауылдық жерде – 130 744)
-
Жеңіл атлетика – 347 654 (ауылдық жерде – 174 261)
-
Шахмат – 278 101 (ауылдық жерде – 128 243)
-
Үстел теннисі – 262 835 (ауылдық жерде – 127 416)
-
Дойбы – 213 490 (ауылдық жерде – 115 198)
-
Тоғызқұмалақ – 202 217 (ауылдық жерде – 119 302)
-
Қазақ күресі – 160 399 (ауылдық жерде – 87 030)
Бұл статистика ел азаматтарының дәстүрлі және заманауи спортқа деген қызығушылығы артып келе жатқанын көрсетеді. Сонымен қатар, ауылдық аймақтардағы спортқа тартылғандардың көптігі өңірлік инфрақұрылым мен бағдарламалардың тиімді жүзеге асып жатқанын білдіреді.
Министрлік бұқаралық спортты дамыту, өңірлерде қолжетімді спорт алаңдарын көбейту және салауатты өмір салтын насихаттау бағытындағы жұмыстарды жалғастыратынын атап өтті.
