Екпінді ауылында салауатты өмір салтын қалыптастыру, қысқы спорт түрлерін насихаттау және одан әрі дамыту мақсатында шаңғы жарысынан аудандық чемпионат өтті.
Жарысқа ерлер мен әйелдер арасында 6 жас санаты бойынша 80-ге жуық спортшы қатысып, бақ сынасты. Чемпионаттың ашылу салтанатында «Намыс» спортты дамыту дирекциясының аудандық бөлімінің басшысы Ердос Нөсерханов жарысқа қатысушыларға сәттілік тілеп, жеңіс тұғырынан көрінуге тілек білдірді.
Жарыс қорытындысы бойынша командалық есепте 1-орынды «Екпінді» командасы, 2-орынды «Лепсі» командасы және 3- орынды «Үшарал» командасы иеленді. Жарыс жеңімпаздары мен жүлдегерлерге диплом, кубок және медаль табысталды.
Қ. ОМАРАҚЫН
Екпінді ауылы,
Алакөл ауданы
