Болгария астанасы Софияда 24 ақпанда бокстан дәстүрлі «Странджа кубогі» басталды. Бүгін негізі жастар арасындағы әлем және Азия чемпионы Төрехан Сабырхан (67 келі) алғашқы айналымда Париж Олимпиадасының чемпионы – өзбек Асадхужа Муйдинхужаевпен жұдырықтасуға тиіс болған. Алайда жекпе-жек өтпейді.
Сондай-ақ 60 келіде өнер көрсететін Серік Теміржанов та Өзбекстанның тағы бір Олимпиада чемпионы Абдумалик Халоковпен кездесуі керек еді. Бірақ екі кездесу де болмайды.
Бірінші күнгі жекпе-жектер тізімінде Олимпиада чемпионы Абдумалик Халоқовтың кездесуі бар еді. Алайда оның кәсіби жекпе-жегінің уақыты ертерек өзгертілгендіктен, Испанияға ұшып кететін болды. Демек ол бүгін «Strandja» турнирінде рингке шыға алмайды. Тағы бір чемпионымыз Асадхожа Муйдинхожаев те бүгін Болгарияда жекпе-жек өткізуі керек еді. Бірақ ол турнир алдында алған жарақатынан толық айықпағандықтан, кездесуге қатыса алмайды, — деп хабарлайды boxinguzbekistan_official парақшасы.
Дереккөз: 1bol.kz
Фото: Өзбекстан ҰОК
