Бүкіләлемдік бокс кеңесі (WBC) барлық салмақтағы жаңартылған рейтингін жариялады, деп хабарлайды Vesti.kz.
Орта салмақта да өзгерістер болып, үшінші сатыдағы қазақстандық Мейірім Нұрсұлтанов (20-0, 11 КО) бірінші орынға шықты.
Одан кейін британиялықтар Хамза Шираз (21-0-1, 17 КО) бен Крис Юбенк (34-3, 25 КО) тұр.
Мұның алдында WBC ұйымның орта дивизионындағы чемпион доминиканалық Карлос Адаместі (24-1-1, 18 КО) Нұрсұлтановқа қарсы жепке-жек өткізуді міндеттеген. Алайда чемпион бұл айқастан сытылып кететін амал тапқан сияқты.
Қазақ боксшы рингке ұзақтан бері шықпады
Мейірім Нұрсұлтанов кейінгі рет 2023 жылы қарашада жұдырықтасып, чилилік Хулио Аламосты (16-3, 9 КО) жеңген еді. Одан кейін 2024 жылы шілдеде рингке шығу керек болған, бірақ, ол кездесу өтпей қалды.
Фото: instagram/adal_promotions
