Талдықорғанда Жеңістің 80 жылдығына арналған «Ерлік сабағы» өтті.
Екінші дүниежүзілік соғыстың аяқталғанына 80 жыл толуына орай маңызды іс-шара №27 орта мектеп-гимназиясында ұйымдастырылды. Кездесуге Ауған соғысының ардагерлері Амангелді Омаров, Қажымхан Жайлаубеков, Берік Сембеков, Әділбай Қалпебаев, Ерғали Абдрасилов, Ержан Бақтыбаев және Талдықорған әскери қызметке тәрбиелеу, идеологиялық жұмыс және насихаттау мәселелері басқармасының инспекторы Есет Дәуренбаев шақырылды. Шара аясында 28 панфиловшылар еске алынды. Іс-шараның негізгі мақсаты – оқушыларға 1941-1945 жылғы соғыс пен Ауған соғысының тағдыры туралы терең түсінік беру, ардагерлердің патриоттық рухы мен ерліктерін жеткізу, ұлттық тарихты құрметтеуге тәрбиелеу және азаматтық борышын орындауға шақыру.
А. Ыбырай
Фото: jaraina.kz
