№27 орта мектеп-гимназиясында «Әдеп-құқық жұмысы жөніндегі менторлық» бағдарламасы аясында Жеңістің 80 жылдығына орай маңызды кездесу өтті.
Шара барысында 28 панфиловшыларды еске алу сәті ұйымдастырылып, Ауған соғысының ардагерлері – Амангелді Омаров, Қажымхан Жайлаубеков, Сембеков Берік Мейлканович, Адильбай Калпебаев, Абдрасилов Ерғали Мырзатайұлы, Ержан Бахтыбаев жәнеж Талдықорған қаласының қорғаныс істері жөніндегі басқармасының тәрбие және идеологиялық жұмыстар, әскери қызметті насихаттау инспекторы Есет Дауренбаев қатысып, өздерінің жеке тәжірибелерімен бөлісті.
Кездесудің негізгі мақсаты – оқушыларға Ұлы Отан соғысы мен Ауған соғысының тарихы туралы терең түсінік беріп, ардагерлердің ерліктері мен патриоттық рухын жастарға жеткізу, ел тарихына құрметпен қарауға және ұрпаққа баға жетпес үлгі болуға шақыру болды. Мұндай шаралар жас ұрпақтың бойында отансүйгіштік сезімін қалыптастыруда маңызды рөл атқарады.
