Алматы облысының қоғамдық-саяси, әлеуметтік-экономикалық газеті

ЖҰМЫССЫЗ ЖҮРГЕНДЕРГЕ МАҢЫЗДЫ АҚПАРАТ. ЖЕҢІЛДІГІ КӨП ЖАҢА ЖОБАЛАР

Уақыты: 16.04.2022
Оқылды: 468
Бөлім: ӘЛЕУМЕТ

Ұлттық жоба – жалпыұлттық басымдықтарға, Қазақстан Республикасының ұлттық даму жоспарына, елдің аумақтық даму жоспарында белгіленген мақсаттарға, міндеттерге, стратегиялық көрсеткіштер мен индикаторларға қол жеткізу үшін аса маңызды. 2021-2025 жылдарға арналған кәсіпкерлікті дамыту жөніндегі ұлттық жобаның негізгі мақсаты кәсіпкерлік құрылымын сапалы қамтамасыз ету мен халықты жұмыспен қамтуды арттыру болып табылады.

Ұлттық жобаны жүзеге асыруда күтетін әлеуметтік әсер, ол азаматтарды тұрақты жұмыс орындарымен қамту, оларға жұмыспен қамтуға жәрдемдесудің белсенді шараларын көрсете отырып төменгі күнкөріс деңгейі үлесін азайту.

Жаңа бизнес-идеяларды іске асыруға грант алуға жұмыспен қамту орталығында тіркелген жұмыссыз тұлғалар, Қазақстан Республикасының салық заңнамасына сәйкес бірыңғай жиынтық төлем төлеушілер қатарындағы «Бастау Бизнес» жобасы бойынша кәсіпкерлік негіздері бойынша оқыту курсынан өткен адамдар, өтініш берген сәтте мәртебесін рәсімдеу мерзімі 1 жылға дейінгі дара кәсіпкерлер, оның ішінде, қызметін тоқтата тұрған және жеке қосалқы шаруашылықта жұмыс істейтін адамдар грант алуға үміткер болады.

Бұл ретте үміткер жастар немесе аз қамтылған отбасы мүшелері – атаулы әлеуметтік көмек алушылар, көпбалалы отбасылар – көпбалалы жәрдемақы алушылар және (немесе) оның жұбайы (зайыбы), егер неке (ерлі-зайыптылық) (2008 жылға дейін тіркелген болса) «Электрондық үкімет» веб-порталында (www.egov.kz) «АХАЖ» АЖ мәліметтерді өзектендіру қажет, қоныс аударушылар, қандастар, мүгедек баланы (мүгедек балаларды) тәрбиелеушіге берілетін жәрдемақыны алатын адамдар және (немесе) мүгедектер санатына жатады.

Субсидияланатын жұмыс орындарын ұйымдастыру арқылы кәсіпкерлерді қолдау және кәсіпкерлердің қажеттіліктеріне қарай дағдыларды дамыту үшін әлеуметтік жұмыс орындары ұйымдастырылады. Бұл дегеніміз халықты жұмыспен қамту орталығымен шарт негізінде жұмыссыздарды жұмысқа орналастыру үшiн олардың жалақысын субсидиялау арқылы жұмыс беруші құратын жұмыс орны. Әлеуметтік жұмыс орындары барлық меншік нысанындағы кәсіпорындар мен ұйымдарда ұйымдастырылады. Жұмыс беруші жұмыссыздарды жұмысқа орналастыру үшін олардың жалақысын субсидиялай отырып әлеуметтік жұмыс орнын құрады. Жастар және зейнеталды жастағы адамдар үшін әлеуметтік жұмыс орындары «Алғашқы жұмыс орны», «Ұрпақтар келісімшарты» және «Күміс жас» жобасы шеңберінде де құрылады.

Қатысу мерзімі:
– «Алғашқы жұмыс орны» жобасы бойынша 18 айдан;
– «Күміс жас» жобасы бойынша 12 айдан;
– «Ұрпақтар келісімшарты» жобасы бойынша 6 айдан аспайды.

Әлеуметтік жұмыс орындарындағы жұмыс уақытша сипатта болады. Құрылатын уақытша жұмыс орындарының саны жұмыскерлердің тізімдік санының 20%-ынан аспайды. Әлеуметтік жұмыс орындарына жұмысқа орналастырылған жұмыссыздардың жалақысына субсидияның ай сайынғы мөлшері жалақының белгіленген мөлшерінен 35%-ды құрайды, бірақ 20 (жиырма) айлық есептік көрсеткіштен (бұдан әрі – АЕК) аспайды.

Жастар практикасы – техникалық және кәсіптік, орта білімнен кейінгі, жоғары, жоғары оқу орнынан кейінгі білім беру бағдарламаларын іске асыратын білім беру ұйымдарының түлектері алған кәсібі (мамандығы) бойынша бастапқы жұмыс тәжірибесін жинақтау мақсатында жүзеге асыратын еңбек қызметінің түрі. Жастар практикасы бойынша жұмыс уақытша сипатқа ие болады. Жастар практикасының ұзақтығы 12 (он екі) айдан аспайды.

Жастар практикасы меңгерген кәсібі (мамандығы) бойынша техникалық және кәсіптік, орта білімнен кейінгі, жоғары, жоғары оқу орнынан кейінгі білім беру бағдарламаларын іске асыратын білім беру ұйымдарының түлектері қатарындағы, алдыңғы 3 (үш) жыл ішінде оқуын аяқтаған және 29 (жиырма тоғыз) жастан аспаған жұмыссыздарға арналған.

Қоғамдық жұмыс орындары - жұмыс берушілердің өтінімдері бойынша ұйымдастырады. Қоғамдық жұмыстардың ұзақтығы 12 (он екі) айдан аспайды және өңір үшін экономикалық, әлеуметтік және экологиялық тұрғыдан пайдалы болу керек. Арнайы білімі жоқ адамдарға уақытша жұмысқа орналасуға мүмкіндік беріледі. Қоғамдық жұмыстар барлық меншік нысанындағы кәсіпорындар мен ұйымдарда ұйымдастырылады.

Мүгедектер, бас бостандығынан айыру орындарынан босатылған адамдар, пробация қызметінің есебінде тұрған адамдар үшін құрылатын жұмыс орындарын қоспағанда, кезекті қаржы жылына қоғамдық жұмыстарды ұйымдастыру үшін құрылатын уақытша жұмыс орындарының саны жұмыскерлердің тізімдік санының 40 %-ынан аспайды. Сонымен қатар, қысқа мерзімді кәсіптік оқудан кейін жұмысқа орналасу деңгейін арттыру бойынша кәсіптік оқыту дегеніміз – «Халықты жұмыспен қамту туралы» Қазақстан Республикасының Заңында көзделген жұмыспен қамтуға жәрдемдесу шаралары шеңберінде жаңа мамандықтар (кәсіптер) алу мақсатында білім беру ұйымдарында не жұмыс беруші ұйымдардың жанындағы білім беру қызметіне құқығы бар оқу орталықтарында кәсіптік даярлауды, қайта даярлауды және біліктілігін арттыруды қамтитын оқыту.

Бұл шара бойынша келесідей материалдық көмек көрсетіледі:

1) облыс шегінде, бірақ жұмыссыздар тұрақты тұратын елді мекендерден тыс орналасқан білім беру ұйымдарында оқыған барлық кезеңде оқу орнына баруға және қайтуға 4 айлық есептік көрсеткіш (бұдан әрі – АЕК) мөлшерінде жол жүруге;
2) жұмыссыздар тұрақты тұратын елді мекендерден тыс орналасқан білім беру ұйымдарында оқыған уақытта ай сайын – 15 АЕК мөлшерінде;
3) оқудың барлық кезеңінде медициналық тексеріп-қараудан өтуге 2 АЕК мөлшерінде беріледі.

Материалдық көмек шығыстарды растайтын құжаттар ұсынылмай, білім беру ұйымы берген сабаққа келуі туралы анықтаманың негізінде төленеді. Жұмыссыз оқуды сәтті аяқтағаннан кейін жұмыс беруші шарттың негізінде оны 10 (он) жұмыс күні ішінде тұрақты жұмыс орнына кемінде 12 (он екі) ай мерзімге жұмысқа орналастырады.

Қ.ӘШІРЖАНОВ,

«Панфилов ауданы әкімдігінің халықты жұмыспен қамту орталығы» КММ директоры

Алматы облысы