Оқи отырыңыз
Бүгін Текелі қаласында 40 отбасы қоныс тойын тойлады. Пәтерлердің 26-сы көпбалалы, 8-і жетім және 12-сі әлеуметтік осал топқа берілді.
Шара барысында Текелі қаласының әкімі Батыр Молдахметов жүрекжарды лебізін білдіріп, тұрғындарға пәтер кілттерін табыстап, қоныс тойларымен құттықтады.
– Бүгін біз сіздермен керемет қуанышты сәтте бас қосып отырмыз. Мамыр айынан бастап мердігер компания «Шымыр» ЖШС салған үй мұқтаж жандарға бұйырды. Берілген 40 пәтердің 30-ы үш бөлмелі, 10 үй екі бөлмелі. Біз мұнымен шектеліп қалмаймыз. Алдағы уақытта да игі іс жалғасын табады, – деді.
Бақытқа кенелгендердің қуанышымен бөлісу үшін шараға адам көп жиналды. Бәрі бір-біріне жылы сөздерін арнап, облыс, қала басшыларына алғыс жаудырды.
Баспаналы болғандардың бірі – Гаухар Смайылова: «Біз сияқты адамдарға қамқор болып, үй беріп, қолұшын созып, көмек көрсеткен жандарға алғысымыз шексіз. Баспаналы болу – бір бақыт. Осындай бақыт әр адамның басына қонсын», – деп жылы лебізін білдірді.
Айдар ҚАЛИЕВ
Текелі қаласы,
Алматы облысы
Сурет ғаламтордан алынды
