Оқи отырыңыз
Алматы облысының төтенше жағдайлар департаменті Панфилов ауданында жер сілкінгенін хабарлады.
Жер дүмпуі таңғы сағат 04.19 шамасында Алматы қаласынан солтүстік-шығысқа қарай 286 шақырым қашықтықта, Панфилов ауданының таулы аймағында (Сарыбел ауылынан 3 шақырым қашықтықта) байқалған. Жер сілкінісінің энергетикалық класы - 9.9. MPV магнитудасы - 4,2. Координаттары 44*70 солтүстік енде, 79*81 шығыс бойлықта, тереңдігі - 15 км. Жерасты дүмпуі балдық көрсеткіш бойынша анықталмаған.
Алматы облыстық төтенше жағдайлар департаменті ғимараттардың қирағаны және қаза тапқандар туралы ақпарат әзірге түспегенін айтты.
"ЖЕТІСУ-АҚПАРАТ"