Оқи отырыңыз
Алматы облысы Кеген ауданының тұрғыны 101 жастағы Күлпара Шортанова сайлау учаскесіне жасы 50-дегі немересі Олжас Тақабаевпен келді.
Тақабаевтар отбасы бұл өңірге ұстаздар әулеті ретінде танымал. Күлпара әже көп жыл бойы мектеп директоры болып қызмет еткен. Көппен бірге өз таңдауын жасаған Күлпара әже: «Аспанымыз ашық, заманымыз тыныш болсын, ел билейтін азаматтарымыз көреген саясатпен қазақтың көсегесін көгертсін», – деген ақ тілегін айтты.
Кеген ауданында 18 608 сайлаушы тіркелген 34 сайлау учаскесі бар. Сайлау күні аудан тұрғындары үшін екі жәрмеңке ұйымдастырылып, тұрғындар өздерінің бау-бақша өнімдерін саудаға шығарды.
ӨЗ ТІЛШІМІЗ
