Оқи отырыңыз
Алматы облысының әкімдігі Талғар ауданындағы бірнеше ауылдың көгілдір отынсыз қалуына байланысты түсініктеме берді.
«Бүгін сағат 18:45 шамасында Панфилов ауылындағы магистральдық газ құбырына ағаштың құлауына байланысты Тұздыбастау және Гүлдала ауылдарында орналасқан 5 мыңға жуық тұрғын үй көгілдір отынсыз қалды. Бұл газ желілері «Тәуекел газ» ЖШС сервистік мекемесіне тиесілі. Қазіргі уақытта бұл компания қызметкерлерімен қалпына келтіру жұмыстарын бастады. Жұмысты сағат түнгі сағат 24:00-ге дейін аяқтау жоспарланған. Осыдан кейін газ беру қайта жанданады», - деді Алматы облысы әкімінің орынбасары Нұржан Құдайбергенов.
Жұмыс барысы облыс басшылығының бақылауында болады.
"АЛАТАУ-АҚПАРАТ"
