Оқи отырыңыз
Қаратал ауданында астық ору науқаны қызу жүруде. Шаруалар арпа-бидайды жинап, егін ору қарбаласының бел ортасында.
Жалпы аудан бойынша 2972 гектар жүгері, 601 гектар жаздық бидай, 2574 гектар арпа, 1181 гектар күріш, 1874 гектар көкөніс, 1120 гектар қартоп себілді. Бүгінгі күні бидай мен арпа жиналуда. Диқандар қызыл қырманның қызған шағында бидай дақылының жоспарланған 601 гектарын толығымен жинап, 1122 тонна өнім алған. 2574 гектар жерге себілген арпаның 1240 гектары жиналыпты. Одан 2720 тонна өнім алынған. Егін ортасында қызу жұмыс. Әркім өз ісімен айналысып, тыным табар емес. Ауылшаруашылығының жұмысын жүргізетін техникалар да жеткілікті. «Жаздың бір күні қысқа азық» екенін осындан-ақ байқауға болады.
Мамандардың биылғы жоспары да егістікті мол жинау. «Алдағы жоспар – дәнді дақылдардың жиын-терін жұмыстары» дейді шаруалар.
Инаят БЕРІКҚЫЗЫ
Қаратал ауданы
