Оқи отырыңыз
Алматы облысында үш күн ішінде профилактикалық іс-шара барысында 871 жаяу жүргіншіге айыппұл салынды. Бұл туралы Алматы облысының полиция департаменті мәлімдеді.
Кейбір жаяу жүргіншілердің әлі де өз өмірі мен денсаулығына, сонымен қатар, басқа жол қозғалысының қатысушыларына нақты қауіп төндіре отырып, белгіленбеген жерден жолды кесіп өтетінін тәжірибе көрсетіп отыр. Мұндай деректер түбірімен тоқтатылуы керек. Өкінішке қарай, жолдың жүріс бөлігін кішкентайдан бастап үлкендерге дейін кесіп өтеді, жаяу жүргіншілер балаларымен және жүктерімен (сөмкелерімен, жүк тиейтін арбаларымен) интенсивті қозғалыстағы жол арқылы жүгіріп өтуден еш қорықпайды. Осы деректердің барлығы мәдениеттің төмендігін және жеке жаяу жүргіншілердің заңды елемеулерін көрсетеді.
Полицейлердің бұл істегі басты міндеті - жол жағдайын тұрақтандыру, жаяу жүргіншілер арасындағы жол қозғалысы ережелерін бұзуды анықтау және болдырмау, осы бағытта алдын алуды жандандыру, ҚР Жол қозғалысы ережелерінде белгіленген жол қозғалысы қатысушыларына қатысты қойылатын талаптарды тағы да еске салу.
Рейдтік іс-шаралардан өзге алдын алу саласында да ерекше жұмыстар жүргізілуде. Бұл шаралар өте тиімді және жол қозғалысына қатысушылардың жол тәртібіне оң әсер етуге мүмкіндік береді. Сонымен қатар, жүргізушілер құрамына көлік қою, белгілер мен таңбалар, қиылыстар мен жаяу жүргіншілер өткелдерінен өту ережелерін сақтау бойынша бақылау күшейтілді.
"ЖЕТІСУ-АҚПАРАТ"
Сурет - ғаламтордан
