Оқи отырыңыз
Талдықорғанда ел Тәуелсіздігінің 30 жылдығы аясында шахматтан ашық турнир өтті. Онлайн форматта болған жарысқа әр елден 200-ге жуық шахматшы қатысты. Бұл туралы "Жетісу" газеті хабарлады.
Ақыл-ой жарысында елімізден бөлек, Ресей, Украина және Қырғызстан мемлекеттерінің шахматшылары бақ сынасты. Кіл мықтылар 800-ден астам партия ойнады.
Бұл сында Алматы облысының намысын қорғаған шахматшыларымыз жеңістің желкенін көтеріп, ел абыройын асқақтатты. Атап айтсақ, Қайсар Сағатбеков 1-орын, Вадим Индустриев 2-орын, Ерназар Исумбаев 3-орын иегері атанды. Жеңімпаздар мен жүлдегерлер Талдықорған қалалық спорт бөлімінің және облыстық шахмат федерациясының грамоталарымен, медальдарымен және бағалы сыйлықтармен марапатталды.
"ЖЕТІСУ-АҚПАРАТ"