АСАУБАЕВА БАКУДЕ ТОП ЖАРДЫ

Уақыты: 09.07.2024
Оқылды: 208

Қазақстандық гроссмейстер Бибісара Асаубаева Әзірбайжан астанасы Бакуде өткен халықаралық турнирдің жеңімпазы атанды.


Қазақстандық шахмат жұлдызы Бибісара Асаубаева Әзірбайжанда өткен Baku Open 2024 турнирінде әйелдер арасында жеңімпаз атанды. Отандасымыз жалпы жүлде қоры 50 мың долларды құрайтын Baku Open 2024 турнирінде бақ сынап, жалпы есепте 19-орын алды. Дегенмен Асаубаева өз категориясында жарыс жеңімпазы атанып, 1,5 мың доллар ұтып алды.

Айта кетейік, Бибісара Асаубаева – блиц бойынша әлем чемпионы атанған шахмат тарихындағы ең жас шахматшы.