Ұялы телефонсыз адам – қоғамнан оқшау адам. Бір күн ғаламторды пайдаланбасаңыз өзіңізді әлемнен жырақ ғұмыр кешіп жатқандай сезінесіз. Жаһандық көшке ілесу үшін үнемі әлеуметтік желіні аңдып отыруыңыз керек. Әрине, қасиетті дінімізде білім алу парыз екені айтылады. Бірақ оны желіден емес, кітаптан іздеген абзал.
Мәселен империялық қуатқа ие алып мемлекеттер қоғамның күйін желідегі мәліметтер арқылы анықтайды. Діни ахуалдар болсын, тұрмысқа қатысты түйткілдер болсын, халық ішінде резонанс тудырған шетін дүниелерге саяси жүйе баға беріп отырады.
Адам санасы магнит секілді кез келген ақпаратты жұта береді. Ол жағымды не жағымсыз болсын бәрібір, ми түгелдей қорытады. Дегенмен бұл тұлғаның көңіл күйіне әсер ететін негізгі фактор болып отыр. Таңда естіген жаңалығыңыз сіздің нейронды жүйелеріңізге дабыл қойып кетеді. Оны өзіңіз де сезбеуіңіз мүмкін. Алайда күні бойы сол ырғақтың толқынында жүресіз.
Тағы бір жағымсыз жайт желідегі ақпараттың ақ-қарасын ажырату өте қиын. Түрлі коучтар, менторлар, молдасымақтар ұлттың ішіне іріткі салатын дүниелер айтуы мүмкін. Оны адам санасы бірден көшіріп алады. Ұлттың бәрі сапалы емес, көтерілген тақырыпты білмеуі де өтірік емес. Сондықтан айтушыға иланады. Сол себепті желіден келер қауіп-қатер көп.
Мұхтар КҮМІСБЕК
Фото: profplus.info
