Мемлекет басшысы Қасым-Жомарт Тоқаев Түркия Президенті Режеп Тайып Ердоғанның арнайы шақыруымен Анкара қаласына ресми сапармен барды, – деп хабарлайды 7-su.kz ақпараттық порталы.
Екі ел арасындағы бауырластық пен стратегиялық әріптестікті арнаға салатын бұл маңызды сапар аясында жоғары деңгейдегі келіссөздер топтамасы өтеді. Анкарадағы Этимесгут әуежайында Қазақстан Президентін Түркия басшысының өзі зор құрметпен қарсы алды. Сапар аясында екі мемлекеттің көшбасшылары 28-30 қазан аралығында сауда-экономикалық, инвестициялық, мәдени-гуманитарлық және технологиялық байланыстарды одан әрі тереңдету мәселелерін талқылайды.
Фото: akorda.kz
