Жылыту маусымының басталуына санаулы күндер қалды. Облыста жылыту маусымына дайындық жұмыстары қарқынды жүргізілді.
Өткен жылыту маусымында 137 өрт оқиғасы тіркелген. Төтенше жағдайдың орын алуының негізгі себептері – электр жабдықтарын монтаждау және техникалық пайдалану ережелерін бұзу. «Көбіне тұрғындар тұрмыстық өрт қауіпсіздігі ережелерін бұзып, мұржаларды, түтін құбырларын күйеден тазартудың қарапайым ережелерін елемей жатады» – дейді мамандар. Жылыту апаттары мен түтін мұржаларының беттері шаңнан және басқа да жанғыш қалдықтардан жүйелі түрде тазалануы тиіс. Мұржаны уақытылы тазаламау салдарынан түсі де, иісі де жоқ көміртегі тотығы улануға әкеп соғады. Жылыту маусымы кезінде өрттің алдын алу үшін облыстық төтенше жағдайлар департаментінің қызметкерлері үй-үйді аралап, тұрғындарға қаіпсіздік ережесін түсіндіруді жалғастыруда. Шараға азаматтық қорғау органдарының қызметкерлері, жергілікті атқарушы органдар, полиция мен волонтерлер қатысуда. Мақсаты – өрт қауіпсіздігі шараларын сақтаудың маңыздылығын халыққа жеткізу.
Қауіпсіздік деңгейін арттыруда көміртегі тотығын анықтау датчиктері маңызды рөл атқарады. Осы уақытқа дейін облыста төтенше жағдайлар департаментінің қызметкерлері жергілікті атқарушы органдармен бірлесіп 162 датчик орнатты. Бұл құрылғы көміртегі тотығының жиналуын ерте анықтауға мүмкіндік береді. Көміртегі тотығы – иісі мен түсі жоқ улы газ.
Шара барысында қызметкерлер тұрғын үйлерді аралап, өрттің алдын алудың негізгі ережелерін, жылу жүйелері мен электр сымдарына күтім жасау бойынша ұсыныстарын айтуда. Тұрғындарға электр сымдарын жиі тексеріп отыру ұсынылады. Өйткені уақыт өте келе кабельдер тозуы мүмкін. Бұл қысқа тұйықталу және одан кейінгі өрт қаупін арттырады.
Төтенше жағдай қызметкерлері жылыту маусымы басталмас бұрын мұржаны тазалап, пештің жарықтары мен ақауларының бар-жоғын тексеріп, көмірдің кездейсоқ түсуі кезінде өрттің алдын алатын 50х70 см. пешке дейінгі темір парақты орнату керектігін ескертуде. Сонымен қатар, жылыту жүйелерінің дұрыс жұмыс істеуіне ерекше назар аударуды, пештің қызып кетуіне жол беруге болмайтындығын, бөлмеде көміртегі тотығының жиналуын болдырмау үшін ұйықтар алдында бір жарым сағат бұрын пештің өшкендігіне көз жеткізу қажеттігін айтты. Осы қауіпсіздік шараларын сақтау өрт қаупін едәуір төмендетіп, тұрғындардың өмірі мен денсаулығын қорғауда үлкен рөл атқарады.
Айдар ҚАЛИЕВ
Фото: goloskarpat.info
