«Қазгидромет» РМК-нің 11 қазандағы дауылды ескерту негізінде, 12 қазан түнде Жетісу облысының оңтүстігінде қатты жаңбыр, ал таулы аудандарда жаңбыр мен қар түріндегі күшті жауын-шашын болады.
Солтүстік-шығыс және оңтүстік аймақтарда найзағай ойнауы мүмкін. Желдің бағыты солтүстік-батысқа ауысып, орталықта, солтүстік-шығыс және оңтүстікте жылдамдығы 25 м/с дейін жетуі ықтимал.
Жетісу облысы ТЖД тұрғындарға ауа райының өзгерісіне назар аударып, қауіпсіздік шараларын сақтауға шақырады. Шұғыл ескертулер мен ақпараттарды жедел алу үшін «Дармен» тегін мобильді қосымшасын жүктеп алуға кеңес береді.
«Жетісу-Ақпарат»
