“Жолда қабылдау” акциясы аясында Жетісу облысының 740 азаматы құқықтық көмек алды.
Жетісу облысында полиция департаменті ұйымдастырған “Жолдағы қабылдау” акциясы аяқталды. Іс-шара облыстың 27 аймағында өтті, онда құқық қорғау органдарының 271 қызметкері жұмылдырылды.
Акцияның мақсаты – полицияның халыққа қолжетімділігін қамтамасыз ету және азаматтардың құқықтық нормалар мен заңнамадағы өзгерістер туралы хабардарлығын арттыру. Акцияға жалпы саны 740 азамат қатысты, оның ішінде 634 азамат әртүрлі сұрақтар мен шағымдармен жүгінген. Сонымен қатар, 97 азамат құқықтық тәртіптің маңызды аспектілеріне қатысты нақты сұрақтар қойды.
Азаматтарды қызықтырған негізгі тақырыптар:
– Жол қозғалысы ережелері;
– Әкімшілік кодекстегі өзгерістер;
– Көші-қон заңнамасы;
– Көлік құралдарын тіркеу;
– Жүргізуші куәлігін алу рәсімдері;
⁃ және басқа да сұрақтар.
Мұндай іс-шаралар азаматтардың құқықтық сауаттылығын арттыруға және заңнаманы жақсырақ түсінуі үшін қажетті ақпаратты беруге бағытталған. “Жолдағы қабылдау” азаматтарға өздерін қызықтырған сұрақтарға жедел жауап алуға мүмкіндік береді және құқық қорғау органдарына деген сенімділікті нығайтуға ықпал етеді.
Жетісу облысының полиция қызметкерлері халықтың жоғары белсенділігін атап өтіп, осындай іс-шараларды тұрақты түрде өткізу арқылы халықтың құқықтық хабардарлығын арттыру қажеттігіне сенім білдірді.
