Өз кезеңінде «Қазақтың Ахаңы» деген мәртебелі атқа ие болған Ахмет Байтұрсынұлының ұлтына сіңірген ұланғайыр еңбегі әр саладан көрінеді. Ол — ең бірінші, қазақ балаларының ана тілінде сауатын ашуына көп күш жұмсаған ағартушы, ең алғашқы «Әліппе» оқулығының авторы, екіншіден, қазақтың әлеуметтік өмірінің барлық саласына назар аударған ірі публицист, қоғам қайраткері, үшіншіден, өнер иесі – ақын, қазақ тілінің ғана емес, әдебиетін де зерттеген ғалым және халықтың тез сауаттанып хат тануы үшін араб жазуын реформалап, ұлттық деңгейге көтерген бірегей тұлға.
Биыл еліміз қазақ қоғамы мен мемлекетінің қайраткері, ағартушы, ақын, аудармашы, педагог, публицист, түріктанушы, ғалым Ахмет Байтұрсынұлының 152 жылдығын атап жатыр.
2024 жылғы 05 қыргүйек қазақтың ақыны, әдебиет зерттеуші ғалым, қоғам қайраткері Ахмет Байтұрсынұлының туған күніне орай 5571 әскери бөлімінің жеке құрамы қазақ әліпбиінің негізін қалаушы Ахмет Байтұрсынұлының ескерткішіне гүл шоқтарын қойды. Аталған іс-шара Алматы қаласының зиялы өкілдерінің қатысуымен өткізілді. Іс-шара ақынның музей-үйінде өз жалағасын тапты. Аталған іс-шарада ақынның өмір жолы мен еңбектері туралы баяндама жасалды.
5571 әскери бөлімінің жеке құрамы арасында мемлекеттік тілді оқыту, дамыту мен насихаттау жұмыстарын одан әрі қарай жетілдіру, сарбаздарымыздың жауынгерлік рухын көтеру мақсатында, ұлы ағартуш Ахмет Байтұрсынұлының 152 жылдығына орай 5571 әскери бөлімінде келесідей іс-шаралар өткізілді:
Жеке құраммен Ахмет Байтұрсынұлы тақырыптарына ақпараттық сағаттар, тәрбие жұмыстары, тақырыптық кештер, ауызша журналдар, викторина, радиогазеттер ұйымдастырылды.
Кітапханаларда, ротаның ақпараттық-тәрбие жұмыстары жайларында Ахмет Байтұрсынұлының шығармашылығына арналған кітап көрмелері және қабырға баспалары рәсімделді.
Ахмет Байтұрсынұлының 2021 жылы түсірілген 6 сериялы тарихи драмалық «Ұлт ұстазы» атты телехикаясы көрсетілді. Фильмде Ахмет Байтұрсынұлының өмірі жайлы баяндалады.
Жеке құраммен «Досыма хат», «Ұлт ұстазы», «Қазақ салты», тәрбие жұмыстары өткізілді. Рота үй – жайларында, бөлімшелер арасында «Ахмет Байтұрсынұлының» өмірбаяны туралы радиогазеттер шығарылды.
5571 әскери бөлімінде демалыс күннің жоспарына сәйкес «Ахмет — ұлттың ұлы ұстазы» атты викторина өткізіліп, «Ахметтің өмірі мен шығармашылығы» фильмі көрсетіліп талқыланды.
Жеке құраммен «Ең алғашқы «Әліппе» оқулығының авторы» атты ақпараттық сағат тәрбие жұмысы жүргізілді. «Ахмет – қазақ балаларының ана тілінде сауатын ашуына көп күш жұмсаған ағартушы» тақырыбында ақпараттық сағат өткізіліп, сарбаздар ақын туралы өз ойларын, білетін өлеңдерін, көбісінің есіне түскен «Оқуға шақыру» атты өлеңі.
Кітапханада, ротаның ақпараттық-тәрбие жұмыстары жайларында Ахмет шығармашылығына арналған кітап көрмелері, қабырға баспалары ұйымдастырылды. «Ахмет — қазақтың әлеуметтік өмірінің барлық саласына назар аударған ірі публицист!» тақырыбында тәрбие жұмысы жүргізілді.
Батальон, роталар арасында «Тіл білімінің атасы – Ахмет Байтұрсынұлы» тақырыбында қабырға газеттері ұйымдастырылды.
Ахмет Байтұрсынұлының шығармашылығы және өмірі туралы деректі фильмдер мен бейнероликтер штабтың, бөлімшелердің, қарауыл үй-жайында және кезекші бөлімшелер мен бөлім асханаларындағы теледидарда көрсетілді.
5571 әскери бөлімінің офицерлері Ахмет Байтұрсынұлының тіл туралы тағылымдарын челлендж арқылы әр бөлімше бір-біріне жолдады. Келісімшарт бойынша әскери қызметшілер Ахмет Байтұрсынұлының «Қазақ қалпы» өлеңінің оқу бойынша челлендж ұйымдастырды. Мерзімді қызметтегі әскери қызметшілер батальон бойынша челлендж жолдап Ұлт ұстазының өлеңдерін тебірене оқыды. Осы іс-шаралар qruu_5571_ontustik парақшасында жарияланды.
Бар ғұмырын ұлтының болашағы үшін қиған, өз кіндігінен тараған ұрпағы болмаса да, әр қазақ баласы кішкене болсын білім мен өнер үйренсін деп, ауыр азапты, қамшының сабындай ғұмырын ғылыми жолына, ұлт жолына арнаған Ахмет Байтұрсынұлы – біздер үшін идеал тұлға! Ұлтты сүйсеңіз, Ахметтей сүйіңіз! Бұл сөзді қайта – қайта айта беруден жалықпассыз.
5571 әскери бөлімінің тәрбие және әлеуметтік-құқықтық жұмыстар
жөніндегі бөлімше бастығының аға көмекшісі (мемлекеттік тіл бойынша)
аға лейтенант М. Байсеркеева
