Қырғызстанда ЕАЭО елдерінің азаматтары 90 күннен кейін уақытша тұруға рұқсат алуға міндеттелмек.
Қырғызстан аймағында жеке мақсатта 90 күн болған ЕАЭО елдерінің азаматтары уақытша тұруға рұқсат алуы керек. Бұл туралы Қырғыз Республикасының Цифрлық даму министрлігі мәлімдеді.
Ал Әзірбайжан, Грузия, Молдова және Тәжікстан азаматтары 60 күннен кейін тұруға рұқсат алуы шарт.
Бұған дейін ЕАЭО елдерінің (Армения, Беларусь, Қазақстан, Ресей) азаматтары Қырғызстанда алты ай бола алатын.
Енді тіркелмеген азаматтар 60 немесе 90 күннен кейін кетуге мәжбүр болады.
Олар сәйкесінше 60 немесе 90 күнтізбелік күннен кейін ғана қайта кіре алады.
