Жуырда полицияға екі адам арызбен жүгінді. Арызданушылардың бірі «Mazda 626» автокөлігінің Текелі қаласындағы үйінің ауласынан ұрланғанын айтып шағымданса, екіншісі Талдықорған қаласында үйінің ауласында тұрған «Mazda Cronos» автокөлігін белгісіз біреу ұрлап әкеткенін жеткізген.
Жедел іздестірудің нәтижесінде полиция күдіктінің кім екенін анықтады. Ол бұрын мас күйінде көлік құралын басқарғаны үшін жауапқа тартылған 29 жастағы ер адам болып шықты.
Кейінірек анықталғандай, күдікті мас күйінде Текелі қаласынан автокөлікті ұрлап, Талдықорғанға қарай бағыт алып, сол жерден бірінші көлігін тастап, екіншісін ұрлап кеткен. Талдықорған қалалық ПБ қызметкерлері Елдархан Нүсіпов, Шәкәрім Оразбаев, Диас Омаров және Айдар Дүйсеновтың жедел әрекеттерінің нәтижесінде автокөлік заңды иелеріне қайтарылды.
«Жетісу-Ақпарат»
Фото: anhor.uz
