Спорттық гимнастикадан Азия чемпионатының жүлдесін тұңғыш болып Қазақстан құрамасының мүшесі Аида Бауыржанова жеңіп алды.
Ташкентте спорттық гимнастикадан әйелдер арасында өткен Азия чемпионатында Қазақстан тұңғыш рет жүлде алды. Соңғы жарыс күнінде Аида Бауыржанова үздіктер қатарынан көрініп, қола жүлде жеңіп алды. Ол еркін жаттығудан 13.066 ұпай жинап, алдына Филиппин мен Қытай спортшыларын ғана жіберді. Дегенмен отандасымыз көпсайыста төртінші орын иеленіп, Париж олимпиадасына іріктеуден өте алмады.
Айта кетейік, бұған дейін қазақстандық гимнастшы Милад Каримидің спорттық гимнастикадан Азия чемпионатында тарихи жүлде жеңіп алғанын жазған едік.
