Жанна Дәуренбекова Қазақстан Республикасы Төтенше жағдайлар министрлігінің ресми өкілі қызметіне тағайындалды, деп хабарлайды ҚазАқпарат ҚР ТЖМ бапасөз қызметіне сілтеме жасап.
Баспасөз қызметінің мәліметтеріне қарағанда, азаматтық қорғау подполковнигі Дәуренбекова Жанна Әлімбекқызы 2005 жылдан бері азаматтық қорғау органдарында қызмет етіп келеді.
1977 жылы Қарағанды облысының Қарқаралы ауданында туған.
Қарағанды мемлекеттік техникалық университетін «Құрылыс бұйымдары мен конструкцияларын өндіру» мамандығы бойынша және академик Е.А.Бөкетов атындағы Қарағанды мемлекеттік университетін «Қоғаммен байланыс» мамандығы бойынша бітірген.
Қызмет еткен жылдары Қарағанды облысы ТЖД және Қазақстан Республикасы Ішкі істер министрлігі ТЖ комитетінің баспасөз қызметтерінде қызмет етті.
Жаңа қызметке тағайындалғанға дейін ол Қарағанды облысы ТЖД баспасөз қызметін басқарды.
Қазақстан Республикасы ТЖМ, Қарағанды облысы әкімінің және Журналистер одағының ведомстволық наградаларымен марапатталған.
Фото: ашық дереккөзден
