Макс Клейменко есімді украиндық блогер желідегі парақшасында ең еңбекқор және ең жалқау халықтардың тізімін жариялады. Мұнда Азиядағы Қазақстан ең жалқау ел ретінде аталды.

Бұл туралы 7-su.kz желілік басылымы Еуразия бірінші арнасына дерегіне сүйеніп хабарлайды.

Белгілі болғандай, украиндық блогер Азиядағы аптасына 36 сағат қана жұмыс істейтін ел деп Қазақстанды атайды. Блогер осы факторға назар аударған.

Желіде тараған бұл даулы мәліметке орай ҚР Еңбек және халықты әлеуметтік қорғау министрлігінің өкілдері өз жауаптарын да беріп үлгерген. 

“Еңбек кодексінде бекітілген жұмыс аптасының қалыпты ұзақтығы бізде 40 сағат. Зиянды және қауіпті жұмыстарды қызмет ететін кейбір салалардағы азаматтар ғана 36 сағаттық жұмыс аптасы белгіленген. 1-2 топтағы мүгедектерге қысқартылған жұмыс аптасы және 18 жасқа дейінгі жасөспірімдерге де қысқартылған жұмыс аптасы қарастырылған”, – деді ҚР Еңбек және халықты әлеуметтік қорғау министрлігі департаментінің басқарма басшысы Шалқар Оразбеков.

Фото: ашық дереккөзден