Қазіргі уақытта әлемдегі дамыған елдердің бәрінде экологиялық стандарттарға ерекше көңіл бөлініп, болашақта көлік қозғалысының электромобильдік түріне көшуге байланысты кешенді шаралар қолға алынуда.
Осы орайда Қазақстан Республикасы Қаржы министрлігі Мемлекеттік кірістер комитеті, Еуразиялық экономикалық комиссиясы алқасының 2017 жылғы 20 желтоқсандағы № 107 «Жеке пайдалануға арналған тауарларға байланысты кейбір мәселелер туралы» шешімінің 3-қосымшасындағы 9-тармаққа сәйкес, Қазақстан Республикасының азаматына және Қазақстан Республикасында тұрақты тұратын тұлғаға кедендік салықтар мен төлемдерден босатыла отырып, 1 электромобиль әкелуге рұқсат етілгенін хабарлайды.
Кедендік рәсімдерден өту үшін азаматтар өзінің жеке басын куәландыратын құжатты, иелену, пайдалану және (немесе) оларға билік ету құқығын растайтын құжаттар мен тауарға ілеспе құжаттар (CMR, ТТН, инвойс, тех.төлқұжат) және өз қолымен толтырылған жолаушы кедендік декларациясын кеден бекетінің инспекторына ұсынуы қажет.
Декларация бланкісі, оны толтырғаны және декларацияны тапсырғаны үшін ешқандай төлем алынбайды. Сонымен қатар, электромобильді рәсімдеген азаматқа Ресей Федерациясының азаматтығы бар және Ресей Федерациясында тұрақты тұратын тұлғаларға кедендік тазартудан өткеннен кейін 3 (үш) жыл бойы иелену, пайдалану және (немесе) оларға билік ету құқығына шектеу қойылатынын ескертеміз.
Бекен Нұрахметов,
Жетісу облысы бойынша мемлекеттік кірістер департаменті
«Алтынкөл-жол» кеден бекеті басшысының орынбасары
Фото: көрнекілік үшін
