Алматы облысы бойынша мемлекеттік кірістер департаменті Алматы облысының денсаулық сақтау басқармасына пандемиямен күреске арналған қорғаныш құралдарын үлестірді.
Атап айтсақ, департамент өкілдері басқармаға жалпы салмағы 109 килограмм болатын 23 560 дана медициналық бетперде, 24 дана дистанциялық термометр және 20 дана қорғаныш костюмі сияқты жеке қорғаныш құралдарын берді. Бұл — медицина саласына жауапты адамдарға, науқастарға үлкен көмек әрі демеу екені айтпаса да түсінікті.
Айта кетейік, аталған медициналық қорғаныш құралдары Қытай елінен Еуразиялық экономикалық одақ аумағына заңсыз тасымалдау кезінде тәркіленген. Бұл бұйымдар аталған департаментпен бірлесіп, кедендік бақылау жүргізу барысында алынған болатын.
«ЖЕТІСУ-АҚПАРАТ»
