Алматы облысында смартфон камерасының көмегімен селфи түсіру әрекетінің соңы қайғылы жағдайға әкеліп соқты.
— 20 тамыз күні сағат кешкі 19:19 шамасында Алакөл ауданы, Бескөл ауылында балық зауытының маңында бөлек тұрған ғимаратта 2004 және 2005 жылы туған екі жасөспірім суретке түсу кезінде қаза тапты. 2004 жылы туған үшінші адам оң аяғы сынып, Үшарал қаласындағы орталық аудандық ауруханаға жеткізілді, — деп хабарлайды Алматы облыстық төтенше жағдайлар департаментінің баспасөз қызметі.
Құтқарушылар оқиға орнына келген бойда жасөспірімдерді 1991 жылдан бері жұмыс істемей тұрған екі қабатты ғимараттың ішінде бетон плита басып қалғанын анықтады.
— Құтқару жұмысын жүргізуге Алматы облысының төтенше жағдайлар департаментінен 7 құтқарушы мен 3 техника және басқа мекемелерден 7 қызметкер мен 3 техника тартылды, — деді департамент өкілдері.
«ЖЕТІСУ-АҚПАРАТ»
