«Телеграм» желісінде Алматы облыстық жастар саясаты мәселелері басқармасының басшысы Жомарт Қаратас әйелін пышақтап тастады деген ақпарат тараған еді. Бірақ бұл алып-қашпа сөзді Алматы облысы әкімінің баспасөз хатшысы Ғалымұрат Жүкел жоққа шығарды.
«Телеграмдағы» «Еділов онлайн» каналында тараған жайсыз хабарға байланысты Ғалымұрат Жүкел «Facebook» парақшасы арқылы тікелей эфирге шығып, жалған ақпараттың жай-жапсарын түсіндірді. Ол «Ербол Еділов, досым, хайп қумайық» деп ескерту жасап, адамның отбасылық өміріне араласпау керектігін ескертті. Сондай-ақ, Ғалымұрат Жүкел «пышақталды» делінген Жомарт Қаратастың әйелінің дін-аман екенін көрсетті. Ал желіде тараған ақпаратта пышақ жарақатын алған әйел өлім аузынан қалғаны жазылған еді.
«ЖЕТІСУ-АҚПАРАТ»
