ҮЙДЕН ШЫҚПАЙ-АҚ ЖҮРГІЗУШІ КУӘЛІГІН АУЫСТЫРУ

Еліміздің 11 облысы бойынша 19 аудандық және 3 қалалық Халыққа қызмет көрсету орталығы арқылы аймақ тұрғындары жүргізуші куәлігін ауыстыра алды. Онда көлікті тіркейтін және жүргізуші куәлігін ауыстыру жұмыстарымен айналысатын аудандық әкімшілік полициясының тіркеу-емтихан алу бөлімінің мамандары қызмет көрсетеді. 2018 жылы аталған аудандық ХҚО-лар арқылы 12 мыңдай көлік жүргізушісінің куәлігі берілген.

Бұл секторлар арқылы азаматтар мерзімі бітуге таяу жүргізуші куәлігін жаңасына алмастыра алады, бұл ретте тиісті емтихандарды тапсырып, медициналық тексерістен өтудің қажеті жоқ. Аймақ тұрғындары көлік жүргізу құжатын жоғалтқан жағдайда аталған ХҚО-ларда уақытша құжат ала алады. Оның жарамдылық мерзімі 1 ай, кейін «жоғалғанның орнына» белгісімен жаңа көлік жүргізу куәлігі беріледі.

Бұл ретте көлік жүргізу құқығынан айырылған тұлғалар жүргізуші құжатын қалпына келтіру үшін тиісті емтихандарды тапсыру керектігін еске саламыз. Сондай-ақ, астаналық көлік иелерінің назарына жүргізуші куәлігін мамандандырылған ХҚО-дан бөлек, Тәуелсіздік даңғылы, 32 мекенжайдағы ХҚО-да алмастыруға болатынын хабарлаймыз.

Бұдан бөлек, көлікті тіркеу және жүргізуші куәлігін онлайн ауыстыру қызметі электрондық үкімет порталы арқылы жүзеге асырылады. Бұл үшін көлік жүргізушісінің электрондық цифрлық қолтаңбасы болуы шарт. Портал арқылы өтінішпен қоса фотосурет және қойған қолының скан-суреті жолданып, баж салығы төленеді. Жеке кабинетке құжаттың дайын болғандығы туралы хабарлама келген соң, (мобильді азаматтар базасына тіркелген жағдайда хабарлама SMS түрінде келеді) мамандандырылған ХҚО-ға барып, дайын жүргізуші куәлігін алып кетуге болады.

Жүргізуші куәлігін ауыстыруға болатын аудандық ХҚО мекенжайлары:

«ЖЕТІСУ-АҚПАРАТ»