Талдықорғанда полиция борышкерді қолға түсірді, — деп хабарлайды Polisia.kz.
Талдықорғанда патрульдік полиция ротасының қызметкерлері жол қозғалысы қауіпсіздігін қамтамасыз ету бойынша жүйелі жұмыстарын жалғастыруда. Интеллектуалды жүйенің көмегімен жол ережесін өрескел бұзған екі автокөлік анықталды.
Тексеру барысында бір жүргізушінің 12, ал екіншісінің 16 құқық бұзушылық жасағаны белгілі болды. Мұндай деректер заңды елемеудің ғана емес, сондай-ақ жол қозғалысына қатысушыларға қауіп төндіретінін де көрсетеді.
Патрульдік полицияның айтуынша, мұндай іс-шаралардың мақсаты – тек құқық бұзушыларды анықтау ғана емес, жол-көлік оқиғаларының алдын алу, адамдардың өмірі мен денсаулығын сақтау.
Полиция қызметі – бұл қала көшелерінің қауіпсіздігін сақтау үшін ерте таңнан кешке дейін, кез келген жағдайда атқарылатын күнделікті міндет. Заң мен тәртіп қағидатын сақтау – тұрақтылық пен қоғамдық қауіпсіздікті қамтамасыз етудің жолы, – деп атап өтті полиция өкілдері.
