2025 жылғы шілдеде елімізде 169,9 мың автокөлік есепке қойылды. Оның ішінде 153,5 мың – жеңіл автомобильдер, 9,8 мың – жүк көліктері, 1,6 мың – автобустар және 5 мың – мототехника.Бұл туралы 7-su.kz ақпараттық порталы Ұлттық статистика агенттігінің ақпаратына сүйеніп мәлімдейді.
2025 жылғы 1 тамыздағы жағдай бойынша Қазақстанда тіркелген автокөліктердің жалпы саны 6 млн 629 мың бірлікті құрады. Оның 86,7%-ы – жеңіл автомобильдер, 9,5%-ы – жүк көліктері, 1,8%-ы – автобустар, ал мотокөліктер үлесі – 2%.
Отын түрі бойынша көліктердің басым бөлігі (82,1%) бензинмен жүреді. Дизель отынын пайдаланатындар – 7%, аралас отын түрін қолданатындар – 7,1%, газбен жүретіндер – 0,3%. Электр қуатымен қозғалатын 20 775 көлік тіркелген, бұл жалпы автопарктің 0,3%-ын құрайды.
Қозғалтқыш көлемі бойынша ең көп үлесті (37,5%) 1 500-ден 2 000 текше сантиметрге дейінгі көліктер иеленеді. 1 500 текше см-ге дейінгі қозғалтқышы бар көліктердің үлесі – 19,9%, 2 000–2 500 текше см – 15,5%, 2 500–4 000 текше см – 13,7%, ал 4 000 текше см-ден асатындары – 9,4%.
Бұл санаттағы көліктердің ең көбі Алматы облысында – 259,3 мың, Алматы қаласында – 248,9 мың және Астанада – 196,5 мың бірлік тіркелген.
