Бүгін, 18 тамызда Алматы облыстық сот ғимаратында марқұм Шерзат Болаттың ісі бойынша апелляциялық шағым қаралады, — деп хабарлайды 7-su.kz ақпараттық порталы.
Бұл туралы отбасының адвокаты Мейірман Шекеев хабарлады.
«Марқұм Шерзаттың ісі бойынша бірінші сатыдағы сот үкіміне сотталушылар тарапынан түсірілген апелляциялық шағымдарды қарау соты 18 тамызда сағат 11:00-де басталады», – деді адвокат.
Еске салайық, 5 мамырда Талдықорған қалалық соты бұл қылмыстық іс бойынша үкім шығарған болатын.
Тергеу материалдарына сәйкес, Шерзатқа пышақ жарақатын салған басты айыпталушы Абзал Шынасыл 23 жылға бас бостандығынан айырылды. Равиль Сакиев 20 жылға сотталды.
Қалған айыпталушыларға 7 жылдан 15 жылға дейін бас бостандығынан айыру жазасы берілді. Ал кәмелет жасына толмаған Ы.Д. 1,5 жылға бас бостандығынан айырылды.
