Денсаулық сақтау саласының мамандарының айтуынша, адам ағзасында бақыт гармоны болады. Ол түнгі уақытта бөлінеді. Сондықтан адам сағат оннан кейін терең ұйқыға батып, демалғаны дұрыс.
Бақыт гармоны тыныққан ағзаға күш береді. Адамның денсаулығының нығаюы үшін аталмыш гармон ерекше әсер етеді. Ол түнгі он бірден екіге дейін бөлінеді. Түнімен көз ілмеген адамның ағзасында гармон бөлінбей қалады. Түнде демалмайтын адамдардың тез қартаятын себебі де сол. Оның үстіне ағза күш алмағандықтан шаршап, әлсірейді.
Қазіргі кезде көптеген бала түнгі мезгілде интернетте отырады. Медицина мамандары түнде ұйықтамау денсаулыққа кері әсер ететінін ескертеді. Ағза бақыт гармонын алу үшін уақытында көз шырымын алып, миды тынықтырған дұрыс. Ұйқысы қанбаған ұл-қыздарымыздың дел-сал болып, көзіне ұйқы үйіріліп, ашу шақырып, ештеңкеге зауқы соқпай жүретіне жиі куә болудамыз. Бұл жүйкенің шаршауының салдары.
Мысалы, түн жарымына дейін футбол көретіндердің де жүйкесі шаршап, әлсіздік танытқанына куә болдық. Алматылық футбол жанкүйері сүйікті командасы әлем чемпионатында жеңіліс тапқанда төртінші қабаттан секіріп кетіп, жан тәсілімін беріп, елдің жағасын ұстатты. Ал Бішкек қаласының тұрғыны сүйікті футбол командасы жеңілгенде күйікке шыдамай, өзіне-өзі қол жұмсады. Естір құлаққа түрпідей тигенімен осындай жағдайлардың болғаны шындық. Түнгі телесериалдарға әуестенетіндер де күш қуатын соған жіберіп алады. Кейіпкермен бірге қуанып, сонымен бірге жылайтындар да бар. Ақырында басқаның тілеуін тілеймін деп шаршап-шалдығып жүреді.
Әр нәрсенің өлшемі бар. Артық шұғылданса спорт та зиян. Сол сияқты ойлы боламын деп тұңғиыққа батсаң ой да тереңге тартып әкетеді. Әнді де шектен тыс тыңдасаң басың ауырады. Сондықтан денсаулықты сақтау үшін бір мезгіл миды тынықтыру, түнгі ұйқының құшағына ену де ағза үшін пайдалы. Мамандар айтқадай, уақытымен ұйықтап, бақыт гармонынан қуат алыңыз.
Гүлжан Мұқашқызы
