2026 жылы Қазақстанда ең төменгі жалақы 85 мың теңге болады. Бұл туралы Еңбек және халықты әлеуметтік қорғау министрі Светлана Жақыпова парламент кулуарында мәлімдеді.
Министрдің айтуынша, былтыр Еңбек министрлігі ең төменгі жалақыны есептеу әдістемесін әзірлеген. Ол еңбектің өнімділік көрсеткіштері, медианалық жалақы деңгейі және инфляция деңгейіне негізделген.
«Есептеулер бойынша жұмыстарды үш институт жүргізіп жатыр, зерттеулер әлі аяқталған жоқ. Дегенмен республикалық бюджетте 2026 жылға ең төменгі жалақы мөлшері 85 мың теңге болып бекітілді», – деді Светлана Жақыпова.
«Жетісу-Ақпарат»
