Ұлы Жеңістің 80 жылдығына орай Талдықорған қаласындағы №14 орта мектепте ерекше форматтағы жоба – «БатырMAN» кітабының таныстырылымы өтті. Шараны «Jetisy jastary» КММ ұйымдастырды.
Жоба жас буын арасында патриоттық рухты көтеруді мақсат етеді. Кітаптың басты ерекшелігі – жасанды интеллект көмегімен дайындалғаны. Жастарға түсінікті әрі тартымды болуы үшін заманауи әдістер қолданып, батырлардың ерлік жолдары жаңа форматта баяндалған.
Кітапта Ұлы Отан соғысы ардагерлерінің өмірі мен ерлікке толы оқиғалары қамтылған. Таныстырылым барысында оқушыларға кітаптың электронды нұсқасы сыйға берілді.
Кездесуде жас ұрпақ өз ойларын ортаға салып, пікір алмасты. Сонымен қатар тарих пен жаңа технологияны ұштастырудың тың мүмкіндіктеріне куә болды.
Шараның негізгі мақсаты – тарихи сананы күшейту, батырлардың ерлігін жасанды интеллект арқылы жеткізе отырып, жастардың патриоттық рухын арттыру.
