Терапевт Анастасия Якимова күзде денсаулыққа ең пайдалы өнім ретінде қырыққабатты атады. Оның айтуынша, бұл көкөніс С дәруменіне бай және шырыны қабынуға қарсы әсерімен ерекшеленеді.
Бұл туралы 7-su.kz ақпараттық порталы РИА Новости-ге сілтеме жасап хабарлайды.
Маманның сөзінше, қырыққабат құрамындағы С дәрумені лимонға қарағанда әлдеқайда көп.
– «Күздің басты өнімі – қырыққабат. Оның 100 грамында тәуліктік норманың шамамен 70%-ы кездеседі», – деді дәрігер.
Якимова қырыққабат шырынын бұрыннан-ақ жараларды жазу және асқазан қабынуларын емдеуде қолданғанын атап өтті.
– «Жаңа қырыққабат жапырақтарының құрамында С, К, В тобы дәрумендері, органикалық қышқылдар және микробтарға қарсы тұратын фитонцидтер бар. Қырыққабат ауырсынуды басып, ісікті қайтаруға көмектеседі. Қазіргі зерттеулер де оның қабынуға қарсы әсерін растайды. Дегенмен бұл құрал толыққанды медициналық емдеудің орнын баса алмайды», – деді маман.
